Húnavatnshreppur

 

 

 

Gæta þess að lögum og reglum stjónvalda varðandi jafna stöðu kynjanna sé framfylgt.

Markmið jafnréttisáætlunar er að efla og stuðla að virkri þátttöku kvenna og karla á öllum sviðum samfélagsins.

Fylgja eftir jafnréttisáætlun.

 

Leitast við að hafa jafnt hlutfall milli kynja í nefndum, ráðum og starfshópum sem starfa á vegum sveitarfélagsins.

 

Við auglýsingu á stöðum innan sveitarfélagsins skal þess gætt að auglýsing geri ekki upp á milli kynja.

Við ráðningu skal fylgja jafnréttislögum en þar er leitast við að jafna stöðu kynjanna á atvinnumarkaði.

Við ákvörðun launa sem og fríðinda vegna vinnu skal þess gætt að kynjum sé ekki mismunað.

Leitast skal við að auðvelda fólki að samræma atvinnu og fjölskylduhætti.

 

Styðja skóla á öllum stigum og kennara þeirra í að efla jafnréttisfræðslu og hugsjón á meðal barna og unglinga.

Með því er hægt að virkja bæði kynin til þátttöku í samfélaginu og búa þau betur fyrir fjölskyldu- og atvinnulífið. Kynna fyrir báðum kynjum störf sem áður hafa verið álitin karla- eða kvennastörf. Gæta þarf þess að námsefni feli ekki í sér kynjamismunun.

 

Íþrótta- og tómstundanefnd skal veita stúlkum og drengjum sömu tækifæri til íþróttaiðkunar og íþróttafélögin hvött til hins sama. Kynin sitji jöfn að fjárveitingum á vegum sveitarfélagsins til íþróttaiðkunar. Þess skal gætt að stúlkur og drengir hafi sömu möguleika til sumarstarfa á vegum sveitarfélasins.

 

Kynferðislegt áreiti er ekki liðið. Þeir sem verða fyrri slíkri framkomu eiga rétt á að bera fram kvörtun og skal þeim tryggt að til viðeigandi aðgerða verði gripið.

 

Húnavatnshreppur leggur metnað í að tryggja konum og körlum jöfn áhrif, tækifæri og virðingu. Til að það takist viljum við hvetja alla starfsmenn og starfshópa á vegum sveitafélagsins að taka mið af áætlun þessari í störfum sínum.